Artistas | Maré Festival

Ala.ni

Cun florido estilo jazz minimalista, a artista británica ALA.NI colaborou con Damon Albarn e Mary J. Blige. A súa elegancia outonal desafía as etiquetas convencionais, nun punto que lembra tanto a Sade como a Ibeyi.

máis información

Magalí Sare

Cantante e compositora catalá, Magalí Sare destaca pola súa versatilidade e unha voz capaz de transitar entre o jazz, o pop e a música de raíz. En Descasada (2026) afonda na tradición oral desde unha mirada feminista, confirmándose como unha das creadoras máis persoais da escena actual.

Máis información

Bia Ferreira

Trituradora estilística de cromático sabor carioca, Bia Ferreira é unha forza da natureza construída a si mesma, que vampiriza ritmos congoleses, xamaicanos e brasileiros. Preséntase en Maré co seu derradeiro LP, “Améfrica” (2026).

Máis información

OMAR SOULEYMAN

Este músico sirio posúe unha das voces máis a contraxeito dos últimos tempos, rompendo barreiras críticas en medios como Pitchfork e colaborando con Björk. Fixo do dabke e do mawal unha locomotora rítmica con connotacións tecno e post-disco.

Máis información

Aterciopelados

Activistas sociais da fronte alternativa que fusiona raíces colombianas e rock dos noventa, Aterciopelados aterran en Maré para lembrarnos por que a súa proposta aínda soa tan fresca como hai tres décadas, dende “El Dorado” (1995) ata o recente “Genes rebeldes” (2025).

máis información

Marcos Coll

Marcos Coll presenta en Maré Ronsel, un disco que une o blues coa música de raíz ibérica nunha viaxe sonora entre Galicia, A Mancha e América Latina. Un traballo profundamente persoal no que, por primeira vez, tamén dá voz ás súas propias cancións.

Máis información

Haydée Milanés & Javier Colina

Haydée Milanés e Javier Colina revisitan a canción cubana desde a intimidade e a elegancia. Un encontro entre dúas grandes figuras que rende homenaxe á riqueza musical de Cuba a través dun repertorio cheo de emoción e matices.

máis información

Cuba canta en Maré

Do jazz á salsa, pasando polo son cubano e a nova trova, o concerto propón unha viaxe polas paisaxes sonoras de Cuba. Un encontro entre artistas e xeracións que fai da música unha ponte entre culturas e unha celebración da identidade compartida.

Máis información