Dandara Manoela é unha cantora, compositora, percusionista, produtora artística e cultural e educadora. Nas súas actuacións leva ao palco a MPB (música popular brasileira) de raíces afrobasileiras e influencias afrofuturistas. O seu é un repertorio autoral propio, no que fala da súa historia como muller negra e lesbiana, dos seus antepasados, da súa constante loita como artista brasileira e tamén do amor, que lles pertence ás mulleres negras. 

Cunha voz doce e unha forte presenza no escenario, Dandara convida o público a sambar nalgúns momentos e noutros a emocionarse coa profundidade do que canta. 

O show, aínda que en formato reducido, está musicalmente cargado de raíces brasileiras na guitarra e na percursión que acompañan a voz desta xoven artista de música brasileira contemporánea. 

O seu traballo Minha Prece Ecoa aínda non foi presentado fóra do Brasil e a súa estrea internacional contará con sorpresa inéditas.