Nidia Gongora
Colombia
A mestra Nidia Gongora regresa cunha xira que a levará por diferentes escenarios europeos. Actuando da man da recoñecida DJ e produtora Tatiana ‘Tatitron’ Soto, presenta un repertorio dos seus éxitos musicais máis destacados, cunha proposta de música do Pacífico dende a electrónica.
Nidia é a artista máis representativa deste estilo e a que elevou o xénero Pacific Electronic na industria musical. Fusiona letras e ritmos como currulaos, bundes, xugas, rumbas ou cantos de berce cun toque de folk, beats e sons experimentais da onda contemporánea. Trátase dunha proposta versátil e innovadora rica en cultura ancestral cos sons máxicos do Pacífico colombiano.
