Paula González (1997). Graduada en Xornalismo e Comunicación Audiovisual pola USC. Profesional da xestión, produción e comunicación cultural, leva dende 2020 vinculada a Nordesía Produccións, onde participa no desenvolvemento e coordinación de proxectos musicais e culturais. A súa actividade abrangue a produción de eventos e espectáculos, a coordinación de proxectos (como o Compostela TradFest ou o Festival MARÉ), a comunicación e as relacións con artistas e profesionais do sector.

Conta con experiencia no ámbito das industrias culturais galegas e no deseño e desenvolvemento de iniciativas orientadas á promoción da música, a creación de redes profesionais e a internacionalización de proxectos artísticos.